الأبراج والفلك مع راما البخاري- 27 آذار 2018

أبراج الثلاثاء27مارس2018 ?
القمر بعدو مكمل ببرج الأسد ♌

#الحمل

مريت بضغط كبير وما عم تقدر ترتاح ولكن هاليوم مميز مليان فرص وحلول. يوم إيجابي وفيه تحسن لا تخاف.
عاطفياً: كون رومانسي مع الحبيب لأن رح تعيش اوقات حلوة معو.

#الثور
حاسس حالك ضايع وما عم تعرف تتصرف وخاصة بأمور البيت والعيلة. خفف عصبيتك وانفعالك قد ما فيك واعطي حالك الوقت والصبر.
عاطفياً: حابب ترتبط ولكن حتى تستقر علاقتك وتفهم الشريك أكتر.

#الجوزاء
اليوم مليان إيجابية وحتى تعاملك مع الناس أسهل  وبتزيد حركتك ممكن تسافر وتتلقى اتصالات كتيرة. وعندك القدرة على الإقناع وانتبه من الحوادث وممكن تغير موبايلك.
عاطفياً: ما تكون متسرع بحكمك وكون متفهم حتى تستمر العلاقة.

#السرطان
اليوم كلو مصاري عم تصرف وتدفع وتقبض وحركة مالية عندك. انتبه لشغلك لإن ممكن تبلش شغل جديد وبحاجة انتباه.
عاطفياً: ماعم تعرف كيف تتصرف مع الحبيب وبدك طريقة لحل المشاكل حتى لو صغيرة.

#الأسد
رح تحس حالك أحسن بكتير بعد التعب اللي نريت فيه. أفتح صفحة جديدة وكلشي بينحل وللأحسن.
عاطفياً: الأجواء السلبية يلي مرت فيها العلاقة ممكن تتحسن هاليوم إذا ما تسرعت بشي وعندك فرصة لتفتح صفحة جديدة.

#العذراء
ارتاح اليوم وما تحسم شي لأن الأمور مسكرة بوجهك والمشاكل ماعم تتركك. حاول تنتبه من اللي حواليك ولاتتعاطى مع حدا وانتبه من الناس يلي بوجهين
عاطفياً: ماتسمح لحدا يخليك تزعل أو تعصب الحياة مابتوقف عند حدا.

#الميزان

بيساعدك صديق بالشغل وبتكون اجتماعي بهاليوم. قادر على التقدم بعملك يوم مميز بيحملك حلول وأوقات مميزة مع رفقاتك.
عاطفياً: هدي الأجواء مع الشريك وحاول تقوي العلاقة يوم رومانسي وأنت ملفت وحليان.

#العقرب
لاتهمل أمور الشغل اللي ممكن تشهد تغيير عندك. وانتبه لسمعتك من كلام الناس اللي معك ولاتترك فرصة لحدا يحط عليك وحدة.
عاطفياً:  لازم تبني حبك على أساس ثابت فلا تفوت بعلاقة مبينة مو واضحة.

#القوس
اليوم مناسب للسفر وعم تفكر تبدا مشروع جديد أو عندك فكرة وبدك تدرس موضوع معين. وعم تتلقى اتصالات من أماكن بعيدة والحظ عم يكون معك وناس جديدة عم تتعرف علين.
عاطفياً: استغل هيك يوم لتحصل على أوقات رومانسية تكون بحال أفضل بعلاقتك.

#الجدي
اليوم أفضل من الأيام الماضية عم تناقش أمور مالية وعم تحل مشكلة قضائية أو استشفائية. وعم تريح راسك من موضوع شغلك ورح تكون أحسن.
عاطفياً:  لاتعطي أهمية للمشاكل الصغيرة ولاتكبرها وخلي دايماً في خط للرجعة.

#الدلو

اليوم رح تتوتر وتعصب كتير من أي شي وكأنو الكل ضدك وماحدا بيفهمك. انتبه من المشاكل يلي ممكن يسببها الناس إلك إذا استفزيتن. بعد عن الناس المستفزين لترتاح.
عاطفياً: لازم تهدا قد ما فيك لأن الوضع صار لا يحتمل الشريك ماعم يقدر مشاعرك أبداً.

#الحوت
بتبدأ نهارك بشغل كتير وتراكم وممكن تحس بالإرهاق. انتبه لأكلك وغذائك ونظم وقتك متل مامنعرفك ولا تتعاطى مع الناس وخاصة يلي مو شاطرين غير بالحكي.
عاطفياً: حاول تكون رومانسي مع الشريك لإن هو بحاجة هالشي ورغم أنك عم تحسو ماعم يفهم عليك.