الأبراج والفلك مع راما البخاري، 15 نيسان 2018

#أبراج_الاحد 15 نيسان 2018

#الحمل
اليوم عنك طاقة كبيرة، فيك تقلب الأمور لصالحك تعمل شي جديد تتخلص من مشاكل من الماضي وتفتح صفحة جديدة، تأكد انو كل شي عم يخدمك حتى لو حسيت بضغط، انت بافضل الاوقات خليك متفائل وغير بستايلك ورح تنجح اكيد.
عاطفيا .. عندك جاذبية كبيرة، وفي تغير ملحوظ، ممكن تبدا جب جديد.

#الثور
اليوم بدي منك تكون شوي دبلوماسي لأن الناس يلي حوليك عم تثبت بجدارة انها مابتستاهل الثقة وانو كنت مخدوع فين، يوم وبمر وفكر ببكرا أكيد وخليك بعيد عن الأعمال الضرورية لان يوم بيحملك تأجيل.
عاطفيا .. حليان انت ووضعك العاطفي عم يشهد اشخاص جدد عم يدخلوا حياتك، حدد خياراتك بعقلانية.

#الجوزاء
اليةم كتار من الناس يلي بتتواجد معك، وبتلاقي دعم حقيقي من الأصدقاء حاول تستفيد وتستغل هاد الشي وممكن صديق يساعدك لتحقق حلم، بدي منك ماتبقى لحالك ولقاءاتك عم تكون مثمرة هاليوم.
عاطفيا .. عندك صداقات كتير، وتعب قلبك من الحب وبدك تخلص من الأشخاص المزعجين بحياتك.

#السرطان
اليوم عندك قصة بتخص حياتك ولازم تكون جاهز يعني ممكن امتحان او منصب او مكان جديد بحياتك، كمان لازم تنتبه من مخالفة القوانين وخاصة بالتعامل مع المسؤولية عنك بالشغل او الجامعة.
عاطفيا .. عم تتعرض لقصص عم توترك، خليك رايق وبعد عن الاستفزاز.

#الأسد
اليوم عم تفكر بسفر او عم تتلقى اتصالات بعيدة او من ناس غريبة عنك، عم تفكر تبدا دراسة جديدة او تنزل عالنادي او تتعامل مع اشخاص جديدة، يوم منيح مهنيا وماليا الك استغلو.
عاطفيا .. بظن في شخص عم تتعرف عليه عن جديد وحابب يكون شريك عاطفي، كون حاسم.

#العذراء
اليوم صار فيك ترتاح نسبيا وتفكر بحلول، عندك فرصة تحصل على مال من شراكة او ميراث، وفي حل لقضية قانونية وشفاء من مرض اتعبك الاشهر الماضية.
عاطفيا .. اليوم فيك تصالح الشريك وتحل المشاكل، واذا مافي شريك فعندك عاطفة قوية لشراكة جديدة.

#الميزان
اليوم عم يكون الضغط عليك اضعاف، عم تسمع اخبار ماعم تريحك، وعم تلتقي بأشخاص تستفزك، وممكن تتم شراكة او تشتغل ضمن مجموعة او شركة، بس لا تنفعل لأن انت يلي رح تنلام بالنهاية.
عاطفيا .. يوم بيحمل ارتباط للأعذب، والمرتبطين في مشكلة لأن كتير في ضغط علك فخلي العالم تتجنب تزعلك.

#العقرب
اليوم ممكن عم تتعرض لوعكة صحية بتأثر عليك، وعم تحس بالتعب والتراكم بالمسؤوليات وخاص اذا كنت بدأت بشغل جديد مشان هيك لازم ترتاح، وتنظم وقتك واكلك، عم يكون على عاتقك فيه تثبت نفسك.
عاطفيا .. عم تكون جذاب للجنس الآخر وماعم تعرف تختار او مابدك شخص كيف ماكان بحياتك.

#القوس
اليوم عندك اوقات حلوة وقصص بتساعدك لتستغل فرصة او تحصل على طلب ناطروا من زمان، خليك متفائل ورح تلاقي الحظ بيدعمك، وممكن بعض الاناث يحصل عندن حمل او قصة بتخص احد الابناء.
عاطفيا .. يوم مميز وممكن يشهد رجعة حب قديم ليحكيك غير ان بتكون جذاب وبتحصل على رومنسية بهاليوم.

#الجدي
اليوم قصص البيت و مسؤولية عيلتك تاعبتك وممكن كتير تكون عم تفكر تغير مكان سكنك او حتى مكان شغلك، خليك رايق وتعامل بحكمة وكل شي معو حل بس بدو شوية وقت واعتني بأهلك لان صحة حدا منن شاغلتك.
عاطفيا .. رح تسمع خبر عاطفي ومن حب قديم، وافتح قلبك.

#الدلو
اليوم انت نشيط ممكن تسافر او تطلع مشوار وكمان تحكي لفترات طويلة باتصالات او عالنت فانت قادر بهاليوم على التواصل وممكن يعطل موبايلك او حتى سياراتك اذا عندك وانتبهلي من الحوادث ولاخواتك لان بحاجتك.
عاطفيا .. من الأيام الحلوة، وممكن تشوف الشريك، وطلتك رح تكون غير شكل.

#الحوت
اليوم عم تفكر بقصص المصاري، يمكن ناطر مبلغ من حدا او بدك تبدا شغل جديد لكن عم تحس انو في ناس بدها تنصب عليك واحساسك ممكن يكون بمحلوا فانتبه وغير هيك ضبلي ايدك لان مصروفك مو طبيعي.
عاطفيا .. انت عم تبحث عن استقرار بهالفترة وقلبك ماعم يعرف يثبت على حدا بدها شوية دراسة علاقاتك.

أبراج يوم الإثنين 9 نيسان 2018، مع راما البخاري

#أبراج_الإثنين 9 نيسان 2018

#الحمل
يوم حلو للعلاقات الاجتماعية لتعزز روابطك ولتلاقي حالك باكتر من مكان وتقدر تلفت النظر، انت عم تتلقى مساعدة من الأصدقاء ومشرق والعيون عليك وقادر تجذب الناس إلك بنظرة وحدة.
عاطفيا .. بالرغم من بعض المشاكل بالعلاقة بس هاليوم رح يكون في اوقات حلوة ورومنسية.

#الثور
فترة مهمة كتير فيها متل اختبارات لامكانياتك وعم تعيش حالة من التوتر بالشغل، حاول تهدى ورح يكون كل شي منيح، حافظ على سمعتك وطور شغلك وفكر بعيد عن الاستفزاز.
عاطفيا .. ماعم تفهم الشريك وحاسس انو في شي ماعم يريحك حاول تبعد الشك عنك.

#الجوزاء
من افضل ايام الشهر عم تعيش فترة حلوة فيها انجاز ونجاح، عندك اتصالات كتير اواحتمال لسفر، عم تفكر بمشروع جديد بس لا تفكر بقصص الماضي وكون ايجابي وتفائل.
عاطفيا .. خليك واضح بعلاقتك وعبر عن الشي يلي بدك ياه لان الحظ عم يدعمك.

#السرطان
يوم لترجع فيه صورتك الحلوة صلح اخطائك واستعيد ثقة الناس فيك وكون بوضع أفضل، لاتحاول تجرح حدا بكلامك، وخليك رايق لتقدر تحل المشاكل.
عاطفيا .. تشتت وحيرة كبيرة عم تسيطر عليك وماعم تعرف شو بدك وولا شي عم يكمل معك

#الأسد
حاول تهدى وتعزز شراكتك بالشغل وكون مرن ودبلماسي، لا تتسرع بالحكم ولاتنفعل او تعصب على حدا لان الحق رح يكون عليك وفرصة لتبدا شراكة جديدة بالشغل.
عاطفيا .. لاتستفز الشريك هاليوم لان انت رح تكون الخاسر حاول تحل المشاكل بهدوء.

#العذراء
اليوم ضغط الشغل عليك كتير، خليك ذكي ونظم وقتك واكلك، لاتقصر لان الوقت مو معك ابدا، ولاتنفعل واهدى، ممكن تاخدلك حبة بانادول.
عاطفيا .. انت بحاجة لدعم الشريك بهالفترة وقدر الامكان خليك رايق.

#الميزان
يوم حلو فيه كتير اشيا رح تنحل عندك ورح تكون بموقع منيح، لاتكون عصبي كتير ولاتخلي كلام الناس يجرحك وحاول تتصرف بذكى وعفوية وصدق متل عادتك.
عاطفيا .. من الايام المميزة لتعزز علاقتك بالحبيب وتصلح الامور.

#العقرب
يوم للعيلة رح يسيطر عليك التوتر حاول تضبط اعصابك ولاتعمل مشاكل وتخسر حدا قريب منك بسبب عصبيتك، يمكن مشغول بالك على حدا من عيلتك كون حدو هالفترة.
عاطفيا .. انت ما عم تتقبل اهمال الحبيب لإلك بس تفهم وضعو و ظروفو.

#القوس
يوم مفيد لإلك للنشاط وللقدرة على دفع مصالحك عندك فرص ممتازة وبتعتمد على مهارتك، انت قادر تصنع الكتير هاليوم وتصل للتميز بعملك وتنجح دراسيا وتكون مقنع.
عاطفيا .. في معجبين كتير اليوم وامورك العاطفية أفضل استغلها وتقرب من ناس بتحبن وبحبوك.

#الجدي
يوم عم تدفع وعم تقبض فيه مصاري انتبهلي لمصروفك الزايد وممكن تطلب من حدا دين، وفي عندك مكاسب اليوم اذا ناطر هالشي، نظم حالك ماديا حتى ماتفوت بمأزق.
عاطفيا .. انتبه لمشاعر الشريك من كلامك وصراحتك وماتكون متسرع.

#الدلو
يوم بترجع الك فيه الطاقة، عندك بتحسن و القدرة على الانجاز، بادر لاي شي حابب تعملو وافرض رايك لان الحظ عم يدعمك وعم تحل المشاكل العالقة وتفتح صفحة جديدة.
عاطفيا .. وقت مهم لحل مشاكل علاقتك او البداية من جديد.و

#الحوت
عم تتكاسل وبتفقد القدرة على انجاز شي فاصبر ولاتتسرع باي قرار، بدي منك ماتحاول تحسم امورك، واترك اليوم يمر على خير وانت رح تكون افضل.
عاطفيا .. عدم رضا عن تصرفات الشريك لاتتسرع بالحكم وخليك حكيم.