المشاهدات: 174

الأبراج والفلك مع راما البخاري.. 28 حزيران 2018

أبراج الخميس28 حزيران 2018

 

 

#الحمل
اليوم الأخطاء يلي ممكن تحصل معك بالشغل عم تكون سبب عند أعدائك ليحاولوا يأثروا عليك ويضعفوك، خليك دقيق ولاتخاف كلشي رح يكون منيح، لاتسمح لشخص يستفزك، وجهز منيح إذا عندك امتحان.
عاطفياً:  الشريك ماعم يقدر ظروفك يمكن وعم يكون في حدة بالتعامل معو فانتبه وهدي الأجواء.

#الثور
اليوم بيحمل سفر واتصالات بعيدة، وانتبهلي من حوادث السير، وممكن تتعامل مع ناس غريبة أول مرة بتحكي معن، يوم إيجابي داعم إلك حاول تستفيد منو وادعم مصالحك لتحصل على يلي بدك ياه.
عاطفياً: يمكن صار لازم نحط حد للماضي، ونفكر بحياتنا وفي حب عم يكبر بالأجواء.

#الجوزاء
اليوم بعد أسبوع صعب بتهدى فيه وتعيد حساباتك المالية بما يخص الشراكة، ممكن يجيك مصاري، حاول تقرب وجهات النظر وتنتظر حلول لمشكلة قضائية أو شفائية.
عاطفياً:  لاتضغط على الشريك وتحملوا هالفترة لأن رح تكون صعبة وفيها مشاكل وفرصة هاليوم لمصالحة.

#السرطان
اليوم بيحملك عقد لشراكة لكن الأجواء بالمجمل كتير فيها توتر خليك منتبه ولا تنفعل، لازم الناس يلي معك تنتبه من ردة فعلك يلي رح تكون مؤذية إذا انفعلت زيادة أو إذا استفزوك.
عاطفياً: عم تفكر ترتبط أو إذا كنت مرتبط فعلاقتك عم تمر بحالة من العصبية وعدم الرضا.

#الأسد
اليوم عندك شغل كتير وبتحس إنك متعب ومرهق ومو قادر تعمل شي، وأنو لازم تلحق، هالحالة لازم تتخلص منها وتحاول تنهي الأعمال الضرورية، وممكن تاخدلك حبة بانادول.
عاطفياً: في أشخاص بتظهر إعجابها فيك لكن أنت عم تبحث عن الشخص يلي ممكن يعملك فارق بحياتك.

#العذراء
اليوم بيروح التوتر يلي كان وحالة عدم الراحة بتنقلب لأوقات حلوة، وبتحل مشاكلك وبتسمع أخبار حلوة، عندك فرص بتجيك وبتنبسط فيها، بيوم إيجابي رغم كل ضغوط الفترة الماضية.
عاطفياً: عيش الأجواء الرومانسية والحب مع الشريك، وإذا سنغل فرصة للحب يدق بابك.

#الميزان
اليوم أنت مشغول بالك على حدا من أهلك، وهالشي عم يخليك قلق ومو مرتاح بالمجمل، ساير وكون حكيم وحاول تكون هادي، ومرقلي هاليوم على خير.
عاطفياً:  بعدك عم تحلى والعيون عليك، بس للأسف ماحدا عم يعطيك الحب والإستقرار اللازم.

#العقرب
اليوم داعم إلك بالمعنويات، وتحسن على كتير من الأصعدة، ممكن تسافر وتغير جو، وتتلقى اتصالات، وكمان بتصل للي بدك ياه المهم تكون مستعد وتتواصل صح، وانتبه إذا حدا من الإخوة بكون بحاجتك.
عاطفياً: حاول تعزز علاقتك بالشريك، وبلا المشاكل الصغيرة.

#القوس
اليوم عم تعيد حساباتك المالية ممكن يكون في دفع كتير وعدم رضا عن وضعك المالي، ممكن يجيك مبلغ من حدا يسندك، وعم تفكر بمشروع جديد.
عاطفياً:  شبعنا من ذكربات الماضي، صار وقت تتعامل مع أي علاقة عاطفية متعبة إلك بالنسيان.

#الجدي
اليوم عندك فرصة لتحسن أوضاعك وتطلع من الأجواء الكئيبة يلي سيطرت عليك وترجع من جديد بحال أفضل، لازم تستغل هيك أيام لتكون بموقع إيجابي وتقدر ترجع ثقة الناس فيك، وماتفكر بالماضي لتنجح بمستقبلك، خبر حلو ناطرك.
عاطفياً:  كون واضح بتعاملك مع الشريك واليوم إذا كان في مشكلة ممكن تنحل.

#الدلو
اليوم عم تحس إنو مو مرتاح وإنو في ناس أعداء إلك عم تحاول توقعك والأمور كلها واقفة عندك، حاول تروق وتنتبه وماتكون مهمل والوضع العام عم يخليك حذر زيادة، ومرقلي هاليوم على خير.
عاطفياً: عم يصدمك تعامل الشريك معك لا تتسرع وانتظر لتوضح الأمور.

#الحوت
اليوم إجتماعي عم تتلقى دعوات وعزايم من الأصدقاء أو أنت يلي عم تعزم وتكون ملفت للكل وساحر، حاول لاتضل لحالك لأن طاقتك بتستمدها من رفقاتك، اترك قلقك بعيد عنك واطلب مساعدة من رفقاتك إذا احتجت رح يساندوك.
عاطفياً: أنت بحاجة لخيارات أوضح بعلاقاتك، وممكن لقاء حلو مع الشريك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *