المشاهدات: 354

الأبراج والفلك مع راما البخاري- 25 آذار 2018

أبراج الأحد 25 آذار 2018

 

#الحمل
لا تخلي الشغل يبعدك كثير عن أهلك، خليك معهن، هنن بحاجتك خلي قراراتك مسؤولة وحكيمة، كلشي منيح بس حافظ على الإستقرار بحياتك.
عاطفياً: مشاكل البيت شي ومشاكل الحب شي، لا تخلط بينهن.

#الثور
يوم إيجابي بيحملك تطورات حلوة و أفضل، لا تضل لحالك وطلاع على شغلك ممكن أصدقاء أو ممكن حدا غريب عنك يساعدك بالوصول لهدف، يوم بيصل فيه صوتك وعندك قدرة على التواصل.
عاطفياً: كون واثق بأن نجاحك رح يخلي الكل يرجعلك.

#الجوزاء
يوم عم بتعيد فيه حساباتك لأنو عندك مصاريف زايدة، عم تدور على شغل جديد ممكن، بالمجمل يوم لتكسب أو تصرف أو تشتري هدية.
عاطفياً: أحياناً الحب بدو مبادرات منك.

#السرطان
يوم إيجابي بعد فترة كتير صعبة، انكشفت فيها كتير عالم على حقيقتها يوم للبدايات والتألق والنجاح.
عاطفياً: صار لازم تكون حازم شوي مع الشريك.

#الأسد
مضغوط بهالفترة وحاسس اليوم صعب وعم تواجه فيه كتير من المشاكل. حاول تنتبه من انفعالاتك والوضع يلي أنت عم تعيشو رح يخلص وتصير أحسن.
عاطفياً: لاترد على حدا وخليك بعيد بعلاقتك عن المشاكل يلي ممكن تصير.

#العذراء
بتنعزم اليوم وبيكون في دعم كبير من رفقاتك ليساعدوك بشغلك وهالشي بيأثر عليك إيجاباً. لاتهمل الأمور الضرورية وتفاعل مع محيطك ولاتنسى تطمن على شخص قريب منك.
عاطفياً: أنت محط إعجاب كتير ناس والرومانسية عم تزيد لكن انتبه من مشاكل مفاجئة.

#الميزان
خليك إيجابي وخاصة بالشغل بتتعرض ممكن للإنتقاد لكن أنت قادر تقلب الأمور لصالحك وتنجح. وعندك الفرصة تفوز لتطور شغلك وتحط حالك بمكان أفضل وخاصة إذا كان امتحان.
عاطفياً: لاتعتب على الناس وحاول تفكر كيف تريح قلبك ومخك وتطلع بنتيجة بحبك.

#العقرب
يوم منيح حاملك تطور وتحسن بعد أيام من الضغط وعم ترجع بقوة واحتمال تسافر أو تتعرف على ناس جداد. وفي عندك تغيير بوضعك ممكن حتى تبدا بقصة جديدة تغير فيها طريقة تفكيرك وتنجح بهالشي.
عاطفياً: يوم رومانسي مليان عواطف بيساعدك لتتقرب من الشريك ولتعيش لحظات حلوة معو وحب جديد للأعزب.

#القوس
تعرضت لكتير من المشاكل بآخر فترة وأثروا عليك وعلى نفسيتك واليوم كتير منلسب لتطلع من هالحالة وتغير جو. ومناسب لتناقش أمور مالية وتطلع بحلول مرضية إلك ولمشاكلك.
عاطفياً: حاول تبادر بالمصالحة وصعب هالشي عليك وأنك ما بتتنازل ولكن الأمور رح تنحل لا تقلق.

#الجدي
اليوم عم تنزعج من أقل كلمة أو تصرف وهالشي طبيعي وماتحاول تستفز حدا. وحاول تخلي تركيزك على الشراكات الجديدة يلي ممكن تفيدك وتدعمك وخلي تركيزك على شغلك بالمرتبة الأولى.
عاطفياً: إذا عم تفكر ترتبط فهو يوم إيجابي وإذا مرتبط انتبه لعلاقتك وخفف عصبيتك.

#الدلو
اليوم مليان شغل وحاسس حالك مضغوط وهالشي بخليك تحس حالك تعبان وممكن يأثر على صحتك. لازم تنتبه وترتب أمورك بحيث تخلص الضروري وتراعي حالتك وماتهمل وضعك وارتاح.
عاطفياً: اليوم إيجابي رغم كلشي حاول تهدي حالك ولا تعاند لتصل للبدك ياه.

#الحوت
يوم مميز مليان حظوظ و إيجابية بالرغم من الضغوط  الكبيرة وهالشي ماعم يريحك. هاليوم  داعم وفيه فرص وحلول فاستغل هالشي وفكر فقط بالشي المنيح ولاتخاف.
عاطفياً: يوم بيحملك العاطفة يلي أنت بحاجتها لتحسن قلبك.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *