المشاهدات: 345

الأبراج والفلك مع راما البخاري.. 18 أيار 2018

أبراج الجمعة 18 أيار 2018

 

الحمل
اليوم بسبب قصص العيلة رح يسيطر عليك التوتر حاول تضبط أعصابك ولاتعمل مشاكل وتخسر حدا قريب منك بسبب عصبيتك، يمكن مشغول بالك على حدا من عيلتك كون حدو هالفترة، وبتشعر بكتير مسؤوليات وضغوط عليك.
عاطفياً: ما عم تتقبل إهمال الحبيب لإلك بس تفهم وضعو وراعي ظروفو.

الثور
اليوم مفيد لإلك للنشاط وللقدرة على دفع مصالحك عندك فرص ممتازة وبتعتمد على مهارتك، لاتتوقف لأن رح تكون قادر تصنع الكتير وتصل للتميز بعملك، وتنجح دراسياً، وتكون مقنع.
عاطفياً: في معجبين كتير، وأمورك أفضل، استغلها وتقرب من ناس بتحبن.

الجوزاء
اليوم عم تدفع وعم تقبض فيه مصاري، انتبه لمصروفك الزايد، واطلب من حدا دين إذا احتجت، عندك مكاسب اليوم إذا ناطر هالشي، نظم حالك مادياً حتى ماتفوت بورطة اقتصادية.
عاطفياً: انتبه لمشاعر الشريك من كلامك وصراحتك، وماتكون متسرع .

السرطان
اليوم بترجع إلك فيه الطاقة، بتحس بتحسن وعندك القدرة تنجز كتير من أمورك، بادر لأي شي حابب تعملو وافرض رأيك لأن الحظ عم يدعمك، وعم تحل المشاكل العالقة وتفتح صفحة جديدة.
عاطفياً: تحسن كبير، وحل لمشاكل علاقتك أو البداية من جديد.

الأسد
اليوم مو مرتاح وتعبان، بتحس بالكسل وعدم القدرة على إنجاز شي، القصة بدها شوية صبر، ولاتتسرع بأي قرار، لا تحسم أمورك، وريح حالك، ممكن تاخدلك حبة بانادول، ومرقلي هاليوم على خير، ورح تكون أفضل.
عاطفياً: عدم رضا عن تصرفات الشريك لاتتسرع بالحكم وخليك حكيم.

العذراء
اليوم حلو للعلاقات الإجتماعية لتعزز روابطك ولتلاقي حالك بأكتر من مكان وتقدر تلفت النظر، عم تتلقى مساعدة من الأصدقاء، ومشرق والعيون عليك، وقادر تجذب الناس إلك.
عاطفياً: كون دبلوماسي، وعندك رح يكون في أوقات حلوة ورومانسية

الميزان
اليوم بتبلش فترة مهمة كتير فيها متل اختبارات لإمكانياتك وعم تعيش حالة من التوتر بالشغل وبتحس في مشاكل ممكنة، حاول تهدى ورح يكون كلشي منيح، وحافظ على سمعتك، وطور شغلك، وفكر بعيد عن الإستفزاز.
عاطفياً: حاسس إنو في شي ماعم يريحك بعلاقتك، حاول تبعد التوتر عنك هالفترة، وتتفهم الشريك.

العقرب
اليوم من أفضل أيام الشهر عم تعيش فترة حلوة فيها إنجاز ونجاح عندك إتصالات كتير، واحتمال لسفر، مشروع جديد شاغل بالك، بس لا تفكر بقصص الماضي وكون إيجابي وتفائل.
عاطفياً: خليك واضح بعلاقتك وعبر عن الشي يلي بدك ياه لأن الحظ معك.

القوس
اليوم بترجع فيه صورتك الحلوة، صلح أخطائك، واستعيد ثقة الناس فيك، لاتحاول تجرح حدا بكلامك، وتجنب المواجهة وخليك رايق لتقدر تحل المشاكل وتصالح.
عاطفياً: تشتت وحيرة كبيرة عم تسيطر عليك وماعم تعرف شو بدك.

الجدي
اليوم أنت تعبان كتير وأي كلمة عم تدايقك، حاول تهدى وتعزز شراكتك بالشغل، وكون مرن ودبلوماسي، لا تتسرع بالحكم، ولاتنفعل أو تعصب على حدا لأن الحق رح يكون عليك، عندك فرصة لتبدا شراكة جديدة بالشغل.
عاطفياً: لاتستفز الشريك، حاول تهدي حالك و تصبر، حاول تحل المشاكل ع رواق.

الدلو
اليوم عندك كتير شغل، وهالشي عم يتعبك، خليك ذكي، نظم وقتك وأكلك، عندك ورشات وشغل، لاتقصر لأن الوقت مو معك أبداً، وريحلي حالك شوي، ممكن تاخدلك حبة بانادول، لاتنفعل واهدى ودير بالك عحالك.
عاطفياً: أنت بحاجة لدعم الشريك، وقدر الإمكان لاتعصب عليه، خليك رايق.

الحوت
اليوم وضعك حلو والحظ بيدعمك، عندك كتير حلول، رح تكون بموقع منيح بالنسبة للناس يلي حوليك، لاتكون عصبي كتير، ولاتخلي كلام الناس يجرحك، اتصرف بذكاء وعفوية وصدق متل عادتك.
عاطفياً: أنت بحاجة لتعزز علاقتك بالحبيب وتصلح بعض الأمور.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *