الغدر من طبيعة هذه الأبراج، فمن هي؟

أصبحت الصداقة الحقيقية من أندر الأشياء في عالمنا المعاصر، حيث أصبح من الصعب التمييز بين الأصدقاء الحقيقيين والمخادعين، ما دفعنا إلى اللجوء للأبراج وعلم الفلك للحصول على بعض المساعدة. متابعة قراءة “الغدر من طبيعة هذه الأبراج، فمن هي؟”

توافق المرأة الحمل مع باقي الأبراج ♈

يطلق على النجوم الموجودة في السماء اسم الأبراج، وقد قسمت بناءً على عدد الأشهر في السنة، فأصبح لكل شهر برج يختص به، وصفات خاصة لكل شهر، بحيث يمتلك كل فرد شخصية و صفة خاصة تميزه عن البرج الآخر، ويتنبؤون من خلالها بالمستقبل، من خلال التنبؤ بالحظّ، أو العمل، أو الحياة العاطفيّة، أو مدى وجود توافق بين الأبراج. متابعة قراءة “توافق المرأة الحمل مع باقي الأبراج ♈”

#أبراج_الأحد1 تموز 2018 مع راما البخاري

#أبراج_الأحد1 تموز 2018

#الحمل
اليوم طلتك مميزة وخاصة مع اصدقاء مقربين الك، وتقضو مع بعض وقت ممتع تطلع فيه من جو الروتين يلي عايشو، وحاول تستفيد من مساعدة صديق الك اذا احتجتها.
عاطفيا .. كتير جذاب بحضورك، استغل هالشي، وحاول تتقرب من الشريك، وتحسن العلاقة بينكن.

#الثور
اليوم عم يكون مافي حل وسط اما تصل وتحصل على ترقية ومديح وتكون ملفت، او تتلقى الملامة وتكون مهدد بترك الشغل، لهيك كون جاهز لتقدم احسن ماعندك وانا اكيد انك رح تنجح.
عاطفيا .. لقاء مهم عندك، وبدك تعرف مصير علاقتك، كون ذكي لتعرف تمشي الأمور لصالحك.

#الجوزاء
اليوم بيحملك كتير احداث ايجابية حاول تستغل هالشي وتعرف تستفيد من كل الوقت، ممكن يكون عندك سفر او حتى دراسة او قصة جديدة، واتصالات جديدة رح تجيك، انتبه من حوادث السير.
عاطفيا .. استغل هيك يوم لتحصل على أفضل الأوقات الرومنسية.

#السرطان
اليوم بتطلع من الضغط الكبير يلي عانيت منو بالايام الماضية، عندك فرصة لتحل الامور وتصالح بعض الناس، ممكن تحصل على مال من شراكة او ميراث، وعندك حل لقصة قانونية.
عاطفيا .. انت بحال افضل وتحسن بعلاقاتك وعم يكون في حنين جواتك لشخص مميز.

#الأسد
اليوم عم تكون متل البارود قابل للانفجار الفوجائي، لهيك لازم ينتبه يلي حوليك بمعاملتك، وكتير عم يكون في توتر بالجو لكن ممكن تتجنب هالشي وتعمل شراكة جديدة.
عاطفيا .. حالتك الصعبة بعلاقاتك ما بتعني فشلك، بالعكس اليوم مناسب للحب.

#العذراء
اليوم عم يكون يوم حافل يمكن ماعم تفضى تحك راسك، يوم بيحمل معو كتير من الشغل، وبتحس الوقت قليل، نظم وقتك وخلص الضروريات، حاول تتأقلم وبدون عصبية، وممكن تاخدلك حبة بانادول.
عاطفيا .. بسيطر عليك حالة من عدم الرضا، وبدك شريك يفهمك ومايزيدها عليك.

#الميزان
اليوم عم تطلع من اوضاعك الصعبة تدريجيا وخاصة بالبيت، وعم يكون في حلول، وفرص مهمة، الحظ عم يدعمك، مابيمنع بهاليوم تهتم بموضوع الاطفال عندك.
عاطفيا .. بتقضي وقت حلو مع الشريك، واذا سنغل فرصة للحب ليدق باب قلبك، او يرجعلك حب قديم.

#العقرب
اليوم عم يكون في قصص بالبيت ماعم تريحك، يمكن مشغول بالك على حدا من الاهل وعم تفكر بحل، وعندك كتير حساسية هالشي متعب ورح يأثر عليك، ممكن تاخدلك حبة بانادول، وخليك متفهم وهادي.
عاطفيا .. لا تعطي أدنك لكم قصة لتكركب علاقتك، وخاصة اذا القصص حكي ناس كتير.

#القوس
اليوم عم يكون يومك مميز، عم تحصل على دعم الكتار من الناس، قادر تقنع وتوصل رأيك، عندك فرصة لتسافر، انتبه من الحوادث او شي قصة بتخص موبايلك، حاول تقلب الأمور لصالحك.
عاطفيا .. انت مميز بطلتك وحضورك وفي نظرات اعجاب الك، استمتع بيومك الرومنسي.

#الجدي
اليوم حاول انك تعيد حساباتك المالية، وتفكر اكتر بقصة او مورد جديد للمال، خفف بعض المصاريف يلي ما الها لزوم، وحاول تلاقي حالك، واعتمد على حالك لتنجح.
عاطفيا .. انت مو راضي عن وضعك لأن في كتير قصص، انت ساعد لتستمر علاقتكن.

#الدلو
اليوم عم ترجع لوضعك تدريجيا، عم يكون في عندك حلول واخبار حلوة واحساس برجعت الطاقة، قادر تقلب الوضع لصالحك وتنجح، اترك الماضي وبلش من جديد، كل الحظ معك.
عاطفيا .. كتير عندك جاذبية، قادر تبدا حب جديد وتغير حالتك العاطفية.

#الحوت
اليوم عم تكون مو مرتاح بالمجمل، كتير قصص عم تكون ضدك مشان هيك عم تفكر كيف تحلها، انا بدي منك تصبر وحاول مابتقى لحالك، كل شي بينحل برواء، ومرقلي هل يوم على خير.
عاطفيا .. حالة من الضياع عم تعاني منها، والشريك ماعم يفهمك ولا عم يقدر وضعك.

#أبراج_السبت30 حزيران 2018 مع راما البخاري

#أبراج_السبت30 حزيران 2018

#الحمل
اليون عم تكون مميز، عم تشوف كتير ناس وتكون صديق الكل وفي دعم الك، ويمكن عم تعزم أو عم تنعزم عند صديق مقرب الك فجهز حالك واطلب مساعدة اذا احتجتا.
عاطفيا .. عم تكون جذاب وقادر تلفت نظر الكل، حاول ماتسمح للشريك يستغل مشاعرك وطيبتك.

#الثور
اليوم عم يكون فيه قصص مصيرية بتخص حياتك المهنية ممكن امتحان مهم او لقاء مهم او شغل جديد او لقاء مع مسؤول، انتبه من مخالفة القوانين.
عاطفيا .. هدي الوضع مع الشريك، والسنغل فرصة لتبدا حب جديد عندك.

#الجوزاء
اليوم انت مميز و حافل بالحظ المالي والمهني ولقاءات مع ناس غرباء عنك وتواصل افضل مع محيطك، فرصة كبيرة لسفر وفي نجاح وبداية علم جديد.
عاطفيا .. استغل يومك لتحسن وضعك مع الشريك،يوم مناسب لطلعة رومانس، ولسانك عم يكون قادر يقنع بسهولة.

#السرطان
اليوم بعد فترة صعبة وضغط كبير كان عليك عم ترجع تستعيد طاقتك وتحل مشاكلك المالية والقضائية، وحتى صحيا وضعك عم يتحسن، تفائل وفي خبر حلو ناطرك.
عاطفيا .. حاول تكون قريب من الشريك بهيك يوم، والسنغل كتير عم تحن لشخص غايب.

#الأسد
اليوم في كتير ضغط لكن بنفس الوقت ممكن تتم فيه شراكة مهنية وتبدا فيها شغل جديد، تجنب العصبية، وتحاول تساير حتى ماتنقلب الأمور عليك.
عاطفيا .. انت بوضع مناسب لشراكة عاطفية جديدة، المرتبطين كتير ينتبهو من الانفعال الزايد.

#العذراء
اليوم عم يكون في كتير التزامات ومسؤوليات عندك، نظم وقتك حتى تخلص كل شي بوقتو، وحاول تلاقي وقت للراحة، هلص الضروريات، ممكن تاخدلك حبة بانادول.
عاطفيا .. امورك فيها تحسن لكن بدها منك اهتمام، وماتخلي الشريك يزعل منك.

#الميزان
اليوم عندك الحظ وفي كتير طاقة ايجابية بعد ايام من التعب، ممكن تاخدلك حبة بانادول، حاول تستغل هالشي وتحل مشاكلك خاص العائلية منها والحظ معك وقادر تستغل فرصة لتغير وضعك للافضل.
عاطفيا .. من افضل الاوقات الرومنسية لتستعيد حب قديم او لتعيش حب جديد.

#العقرب
اليوم اغلب اهتماماتك عم تكون ضمن بيتك، بحدا من اهلك وعم تفكر كتير بقصص بتخص تغيير مكان شغلك او حتى سكنك، في قصة صحية عندك او عندك حدا بيقربك شاغلتك.
عاطفيا .. حاول تكون بعيد عن جو البيت المشحون وافصل بين حبك ووضعك العائلي.

#القوس
اليوم جيد مدعوم بطاقة كبيرة للتغيير ممكن سفر او اتصالات من اشخاص مهمة، يومك حلو، بس انتبه من اعطال موبايل او من حوادث السير.
عاطفيا .. عم تحل الامور مع الشريك، وعندك وجهة نظر قادرة تقنع الكل فيها.

#الجدي
اليوم عم تكون قدام التزامات جديدة ماليا لكن بنفس الوقت ممكن تحصل على مبلغ من المال تحسن فيه وضعك، واحتمال تبدا مشروع جديد بساعدك بوضعك المادي.
عاطفيا .. انت بوقت جيد حافظ على استقرار علاقتك، وابتعد عن العناد.

#الدلو
اليوم بعد فترة اثرت عليك بشكل سلبي عم تطلع من هاد الوضع وترجع بحالة افضل، وتستعيد ثقة الناس فيك، وتكون مقنع وساحر وطاقتك عالية لتغير الامور لصالحك وتبدا من جديد.
عاطفيا .. جاذبيتك عالية استغل هالشي لتصل لقلب الشريك.

#الحوت
اليوم عم يكون فيه تأجيل او قصة ماعم ترضيك لكن بدها صبر منك واكيد الوضع مارح يضل هيك وحاول ماتبدا شي جديد بكرا لان الظروف مو ماشية معك.
عاطفيا .. كتير عم تدايق من تعامل الشريك وحاسس بانك وصلت لنهاية هل علاقة.